Jeta e të mëdhenjve për ne është një burim i pashtershëm përvoje, mësimi, besimi e shprese. Të mëdhenjtë janë majat e larta me të cilat kemi dëshirë të njihemi dhe nxitojmë të ngjitemi. Ata janë pishtarë që ecin para këmbëve e syve tanë në errësirat që na dalin përpara, ata na përtërijnë sigurinë në vetvete, në jetën e në qëllimet e saj të largëta e të lumtura. Nëse nuk do të ishin të mëdhenjtë, me siguri që në luftën tonë të përditshme do të kishim humbur shpresat dhe patjetër që injoranca do të drejtonte punët tona.
